2008/12/5~上頭

今晚(5/12)要上頭啦~明天就要婚人啦~心情真係複習~~由明天開始我就要展開我人生既新既一頁~

希望老公豬對我好好~一家三口幸福快樂咁生活~~希望我地會白頭到老第時到我地老左~滿頭白頭髮既時候仲可以手拖手起公園仔散步~

去返現場睇睇上頭既情況先

拿~呢堆就係上頭要用既野啦~有茶葉~生果~一包好似係百合蓮子既野~龍鳳燭~鏡~剪刀~梳~子孫尺等等~

好啦~開始上頭啦~呢位就係好命婦周太啦

相中既龍鳳燭左邊係代表男仔~右邊呢就係代表女仔~~比我部足到呢一刻~我既火光係高過老公呢~(心中暗暗咁諗到:你要聽哂我話~你要聽哂我話~你要聽哂我話........嘩哈哈)

黎張合照先~特別嗚謝羅氐姊妹花於百忙中抽空來幫忙~~紫色衫既大肚婆就係另一位好命既王太~

明天開始我就會係王太啦~今晚要好好養足精神迎接明天忙碌既一天~~

過大禮

今日係王曾兩家過大禮既大日子~晨早就要起身~因為要趕起吉時過哂d禮~

原來過大禮都好多野~

睇下~放到一枱都係~最攪笑係對椰子呢~haha

等我介紹下~首先由食物開始先~相中呢兩對就係龍鳳餅啦~好似個月餅咁~不過係特大版~一見到就好想食~但係.....唔食得住既~要出左門先可以食~仲要唔知過多幾日先可以食既~而過大禮既時候男家會扲走一對~應該係喻意龍鳳呈祥~~

接住落黎呢一大盆野~名為大發糕~係d意頭野~喻意發大達咁解~入面有個白色好大既年容包物體~有d粉紅色既喜餅~另外仲有d尖堆仔咁~不過呢個就冇龍鳳餅咁吸引我呢~好似冇咁好食~~

再黎就係........咪以為佢係燒豬....其實佢係蓮藕...初初仲比佢呃左以為係燒豬.....

其實有d我都唔知係乜~好似相中既個d綠色植物要做咩~我真係唔係咁清楚~相信都係d好意頭既野~

攪左一朝終於攪掂哂啦~接住落黎就係等吉日上頭啦~

第一次見面

今日約左去照超聲波~第一次見到bb既盧山真面~好攪笑呢~

好似粒豆咁細粒喎~醫生話而家bb有約大9個weeks零3days~姐係有兩個幾月

好多野都未成形~仲未睇到係男仔定女仔~不過男仔女仔定冇所謂啦~都係我自己生既~一樣都咁重要~~

以前我唔鐘意小朋友~覺得佢地好煩~~不過到真係到自己有個時又唔同哂~人地話始終都係自己生~點都唔同d~而家我都終於明白啦~~

~發現BB~

bb~你好呀~今日去睇醫生~發現有左你~原來你已經起我個肚度住左成個月啦~我都唔知添~

怪唔知得我病極都唔好啦~因為唔食得d咁勁既藥~一食就成個人散哂咁~原來係bb起度作怪~~haha~

醫生叔叔話喎~bb而家係好細小~一定要好小心咁保護....如果唔係....好易.....不過我知呢個bb係上天安排比我同啊明的所以我唔會咁易比佢有事既~我會好好咁保護bb架啦!!